Innritun í Sumarskólann í FB er nú í fullum gangi. Best er að ganga frá skráningu á netinu.

Hér til hliðar má sjá blikkandi kassa (Innritun í Sumarskólann í FB, blóm og Smellið hér). Þegar búið er að ýta á þennan kassa kemur upp valmynd þar sem sjá má stundatöflu. Þar vinstra megin til hliðar (í bláum kassa) stendur sumardeild. Ýta þarf á sumardeld og þá kemur fyrir neðan sumarnám. Ýta á sumarnám. Þá koma allir áfangar Sumarskólans í FB í röð og box fyrir framan þá. Nemendur haka við þá áfanga sem þeir vilja og neðst má sjá hvar þeir raðast í stundatöflu. Rétt fyrir ofan stundatöfluna er hnappur þar sem stendur Áfram.

Þá kemur upp ný valmynd þar sem nemendur þurfa að skrá kennitölu sína, síma og netfang. Neðarlega á þessari síðu eru tveir valkostir um greiðslu skólagjalda og ýta skal í viðeigandi box. Annars vegar er valkostur um að greiða með kreditkorti og þá er möguleiki á að skipta greiðslum í allt að þrjá hluta. Ef skipta á greiðslu þarf að skrá kennitölu eiganda kortsins og nafn (ef það er annar en nemandinn sjálfur). Hins vegar er hægt að greiða með millifærslu og þá þarf að greiða alla upphæðina inn á bankareikning Sumarskólans í FB, en bankanúmer og kennitölu skólans má sjá á sama stað.

Þegar öllu þessu er lokið ýta nemendur á hnapp (rétt fyrir ofan stundatöflu) þar sem stendur Innrita mig. Þá er nemandinn innritaður og ekkert þarf að gera meira - nema náttúrulega stunda námið vel.